Haal-e-dil unse chaah kar bhi keh na sake

Haal-e-dil unse chaah kar bhi keh na sake,

Baat dil se zer-e-lab aa aa ke reh gai.

Aise kam-go se koi kis tarah guftagu kare,

Baat sunkar bhi ansuni jo kare,

Chod diya humne bhi kehna sunna,

Maza to jab hai haal-e-dil bin kahe wo sunen.

Binte Bashir

Your comments are appreciated.

My first blog post ever!!!

Finally here it is, my FIRST BLOG POST ever!! Blogging aur hum! Ye kaise ho sakta hai? Kya aapko bhi aisa khayal aaya tha apne first blog par? Pata nahin kab se zehn mein baar baar ye khayal aa raha tha ke is baare mein kuch karen, kuch likhen lekin kab, kahan aur kaise pata nahin tha.

Badi soch mein mubtila rahe ke ab, tab, jab aur pata nahin kab, SAB sochte sochte aaj bus faisla karliya ke bus Ab kuch to post kiya jaae.

Ab to post kar hi den. Zamana hua ye blog bana ke aur wo shub mahoorat aaya hi nahin ke hum post karte. Ek post bhi nahin! Sochte hi reh gae. Sochte rehte to sochte hi reh jaate. Is liye Aaj to socha ke bus jo kuch dil o dimaagh mein hoga bus aaj wohi likh denge.

I’m not having much of an idea about blogging and the blogging world but I still felt I must give it a try. Is blog ke zariye hum ba-aasani aap sab se har us baat ko share kar sakte hain jo dil ko chu jaae ya aisi koi baat jise padh kar shayad kisi ko nafa haasil ho.

In this blog you will find anything that strikes the chords of my heart from Urdu Poetry, English Poetry, Quotations, Islamic Poetry, Parenting, Personality Development and a lot more.

I have been thinking of which language to use English or Urdu, I have not been able to decide. kisi nateeje par nahin pohonche. The way I write… I know it’s really strange… but thats how I write many a times. Aaj ke liye bus itna hi kaafi hai.

Phir mulaaqat hogi aap sab se ek nai post ke saath.

Don’t keep this to yourself.

I value your feedback, so let me know what you think!

Hamd-e-Rab-e-Zuljalal {Glorification of The Lord of Glory and Honour}

Aaj ke Blog ka aaghaaz Allah Taala ki Hamd o Sana se.

Ye jurrat-e-sukhan ye izhaar-e-haal hai,

Likhoon main Teri hamd ye dil mein khayal hai.

Rehman hai Raheem hai Tu Zuljalaal hai,

Teri ho kya misaal ke too bemisaal hai,

Kehta hoon La ilaah to rakhta hoon ye yaqeen,

Ek Rab-e-kainaat hai jo Laazawaal hai.

Wo lafz de ke main Teri midhat raqm karoon,

Honthon pe ye dua hai ye dil mein khayal hai.

Zarra hoon kainaat ka banda hoon Rab Tera,

Main jo bhi keh raha hoon Tera kamaal hai.

Raafi hai Tu Hakeem-o-Lateef-o-Khabeer hai,

Saami hai Tu Baseer hai Tu Zuljalaal hai.

Tere siwa kisi pe bharosa nahin Khuda,

Mujhko yaqeen hai Tujhe mera khayal hai.

Rehti hai Tere zikr mein masroof ye zubaan,

Karta ada ye shukr mera baal baal hai.

Ab apne dil ka haal main kaise bayaan karoon,

Tu khud hi jaanta hai jo is dil ka haal hai.

Shahid hoon main ke Tu ho faqat Rab hai Ya Ilaah,

Ghaffar maghfirat ho ataa ye sawal hai.

Jo sirf Tere noor se maange hai raushni,

Wo sahib-e-yaqeen hai wo sahib-e-jamal hai.

Ghar jaaun jab naseeb likhe se main kahin,

Tu hi mere hawaas ko karta bahaal hai.

Usne diye hain lafz to likhi hai uski hamd,

MOHSIN main kuch kahoon ye meri kya majaal hai.

I’m sharing this hamd that I read on http://www.contactpakistan.com/Communitylibrary/general/urdu/urduarticle640.htm

Tamaam tareefen us Rab ke liye zeb deti hain jo is jahan ka Maalik hai.

Haqeeqat mein hum Uski taarif kar nahin sakte jaisa ki Uska haq hai. Na hum aur naahi humaari ye gunahgar zubaan is qabil hai ke Uski tareef kar saken.

Hum itne kharab hain phir bhi Wo apni nematen hum se nahi cheenta, apne bandon ko mauqa deta rehta hai, deta rehta hai yahan tak ki hum kisi ghalat kaam ka iraada kar len lekin wo badi likhi nahin jaati jab tak hum use kar na len. Aur Ghafoor ur Raheem aisa ke usi badi ko na karne par nekiyon mein shaamil kar deta hai.

Allah Taala humen har dam Uska zikr aur shukr karne waala banaae. “Allahumma a’inni ala dhikrika, wa shukrika, wa husni ‘ibadatika (O Allah, help me remember You, to be grateful to You, and to worship You in an excellent manner).”

Share your thoughts in the comments below!