Badon Ki Baaten Qaabil e Ghaur🤔

Binte Bashir via Canva.com

Parson humaari apni badi behan se phone par baat hui. Baaton hi baaton mein unhon ne kisi baat par kaha “Qalam, qadam aur qadam soch samajh ke uthaana chaahiye”.

Alfaaz gine chune hain lekin baat bohot gehri baat lagi.

Qalam talwar se taaqatwar hai, jab jab uthe haq ke liye hi uthe.

Aur ek ghalat qadam uthe to uska asar saari zindagi par padta hai aur izaala nahin ho sakta.

Qasam insaan ki zubaan ki zamaanat hai, uske sacha aur jhoota hone ki gawaahi hai.

Is tarah se samjhaane ka andaaz humare daddy ka hai. Har baat par Daddy koi sher, qisse kahiyen aur muhaavre sunaate hain.

Humen apne badon ka ehtaram karna chaahiye aur unki baaton ko zehn nasheen kar lena chaahiye.

Kabhi na kabhi zindagi mein waqt aane par inki baaten zaroor kaam aaengi.

Aaj ye humaare saath hain to humen unki ehmiyat ka andaza nahin. Insaan hai hi aisa ke har cheez ke kho jaane par hi uski qadr karta hai.

Aane waali kisi post mein daddy ke sunaae hue koi qisse waghaira aapse zaroor share karenge. Aapne bhi kisi badon se koi aisi baat suni ho zaroor share karen.