Kisi zamaane mein Urdu Hindostan ki na sirf aam boli balke official language bhi hua karti thi jis ke chalte bohot se log urdu se waaqif the. Kai log aise the jinki zubaan urdu to na thi magar wo na sirf urdu se waaqif the balke urdu bolte, likhte padhte bhi the. Aur ye hi nahin iska zauq o shauq rakhte the, sher-o-shairi ke mahireen hua karte the.
Bachpan mein jab TV par mushaire dekha karte the to bada taajub hota tha ke kuch ghair muslim bhi beinteha khoobsurati se urdu bol lete the.
Aam taur par logon ka ye khayaal hai ke urdu sirf muslamanon ki boli hai magar aisi nahin…
Ye to hum logon ke banaae usool hain warna kisi boli kisi zubaan ka door door tak deen-o-mazhab se koi lena dena nahin, ye sarhadon aur saat samandar paar jaakar logon ke dilon ko jodti hai.
Ab jaakar samajh aaya, ke ye urdu official language hone ki wajah se tha aur urdu zubaan hai hi kuch aisi hai ke jis ne is ka maza chakhha bus wohi jaanta hai. Urdu zubaan ki sheerini kaanon mein ras gholti maaloom hoti hai aur sunnewaale par ek gehra asar chod jaati hai.
“Agar maujen dubo deteen to kuch taskeen hojaati
Kinaaron ne duboya hai mujhe is baat ka gham hai”
~Divakar Rahi

To kal raat ye sher ka padhna tha ke bus padhte hi chale gae. Badi hairat angez baat hai ke itne ache shayar hone ke bawajood unki kul mila kar kuch teen ya chaar ghazalen hi mileen.
Kuch to ashaar Rekhta mein darj the baaqi to e-book mein dafn hai, Ye to Rekhta ka shukriya ke aise bhoole bisre shuara ko ek manzar e aam par le aaya. Magar haan koi shauq rakhta hoga to wahan tak pohonchega. Humen to e-book itni dilchasp lagi ke use chhodna mushkil lag raha tha magar waqt ke ijaazat na di aur hum kuch pages hi padh paae.
Divakar Rahi Sahab ka ek mashhoor sher “Aaj utni bhi mayassar nahin” kai saal pehle suna aur yaqeen nahin aaya ke itna behtareen sher kehne wale shayar is tarah gumnaam sa hai, ya shayad gumnaam to nahin magar unke fun ko maqbooliyat haasil nahin hui.
Afsosnaak baat hai ke kisi funkaar ki qadrdaani na ho aur use wo exposure na mile jis ka wo haqdar hai. Har fankaar ko ye aarzu hoti hai ke us ki qadardaani ho aur use saraaha jaae.
To aaj hi ye tehreer un shuara, musannif aur funkaron ke naam jinhen wo maqaam na mil paya jis ke wo haqdar the, jo bhula diye gae ya gumnaamiyon ke andhere mein kho gae.
“Tumhaare baad bhi aaenge rah’ro Rahi
Na mitne paae kahin naqsh-e-pa sambhal ke chalo”
Urdu ke baare mein aapka kya khayaal, ba-raah-e-karam comments mein zaroori bataaen aur post pasand aai ho to apne kisi dost se share karna na bhoolen.
Urdu zabaan bahut pyari hai. Main ne apne dad ko is language me likhte bolte dekha tha. Aapki baat wazib hai. Share karne ke liye shukriya 🙏
LikeLiked by 3 people
Good to know that your father wrote and spoke in urdu. Thank you so much for reading the blog.
LikeLiked by 1 person
The most delicate and beautiful language on earth 🌺
LikeLiked by 2 people
Very much indeed.
Thanks for your kind visit.
It means so much.
LikeLiked by 1 person
My utmost pleasure 💕🤗🌺
LikeLike
Urdu mohabbat ki jaban h, aur
Mohabbat ke liye udru-jaban h.
LikeLiked by 2 people
😊😊
Thanks Deepika for taking time to read this post and sharing your valuable view.
LikeLiked by 1 person
Have time to explore and analys my blog too for global happenings 😃🌻
LikeLike
Your posts always have the best shayri, mashaAllah! 👏
LikeLiked by 2 people
Thank Alina for always appreciating and stopping by.
Where have you been all this time? Keep posting something…
Are you there on Instagram?
LikeLiked by 1 person
😊😅 Sorry, I’ve been busy with exams and other things. I’m working on something right now and hopefully I’ll publish it soon. Nope, I don’t use Instagram.
LikeLike
I think so
LikeLiked by 2 people
Perhaps that is your point of view but in reality languages know no boundaries.
Thanks for reading and commenting.
LikeLike
so glad I happened by here & ran thru my translator 🙂
LikeLike