Hamd Baari Taala, Motivational, Urdu Poetry

Khizaan Mein Bhi Shukr-e-Khuda

Binte Bashir via Canva

Pichli martaba jab garmiyon ki chutti mein Ammi Daddy ke ghar gae tab Daddy ki tabiyat bohot zyada kharab thi, aur unse log aksar phone par ya ghar aate the haal chaal maaloom karne ke liye. Daddy ka ek andaaz hai ke har baat par ek sher sunaate hain. Baharhaal kisi ne daddy ki tabiyat poochi to us par Daddy ne Allah ka shukr kiya aur ye khoobsurat sher sunaaya.

“Ae bulbulon khizaan mein bhi Shukr-e-Khuda karo,

Tinke kahan se laaoge fasl-e-bahaar mein”.

Binte Bashir via Canva

In do ashaar ne to jaise zindagi ki har takleef aur mushkilaat ko dekhne ka nazariya hi badal diya. Aur sach hai ke humen siwa maayoosi bhari baaten karne ke, pareshan rehne ke aur pareshani zaahir karne ke alaawa koi kaam nahin.

Jahan koi pareshaani aati nahin hai ke hum Allah ki di hui tamaam nematen bhool jaate hain, wo nematen jo Wo hamesha deta raha aur ab bhi de raha hai aur shikwe shikaayaton ke ambaar laga dete hain, aur nashukri ki baaten karte hain ke humaare saath to hamesha aisa hi hota hai.

Hum sirf ye dekhte hain ke kya nemat Us ne hum se le li ye nahin dekhte ke kya de raha hai aur aage bhi dega In Sha Allah. Kyon ke banda apne Rab ko waisa paata hai jaisa ke uska gumaan hai.

Ae Allah Tujh se dua hai ke hum Tujh se badgumaan aur badzan na hon, humen taufeeq de ke Teri di hui tamaam nematon ko pehchaanen aur Tere shukshukr guzaar banen.

Rabbi awzi’ni an ashkura ni’matak-allati an’amta ‘alayya wa ‘ala walidayya wa an amal salihan tardahu wa aslih li fi dhurriyati

Translation: Ae mere Rab! mujhe taufeeq de ke main Teri is nemat ka shukr ada karoon jo Toone mujh par aur mere walidaen par ataa farmaai aur ye ke aisa nek amal karoon jis se Tu raazi hojaae aur mere liye meri aulaad ki islaah farma de.

I hope that you all enjoyed reading this post.

Please feel free to share your thoughts.

Motivational

Mayoos Na Ho Salman!

Kabhi socha bhi nahi tha

Ke aise din bhi aaenge,

Chuttiyaan to hongi

Par mana nahi paaenge,

Ice cream ka mausam hoga

Khaa nahi paenge,

Raaste khule honge

Par kahin ja nahi paaenge,

Jo door rehgae inhen

bula bhi nahin paaenge,

Aur jo paas hain unse

Haath bhi nahi mila paaenge,

Jinke saath waqt bitaane ko

Taraste the inse uktaa jaaenge,

Nahi dikhegi koi muskuraahat,

Chehre mask se dhak jaaenge.

Calendar ho jaaenge bemaaine,

Bus yunhi din raat bitaaenge,

Safa hojaaegi hawa lekin

Chain ki saans na le paaenge,

Kya socha tha kabhi aise din bhi aaenge?

“Nahi socha to hargiz na tha

Ke aise din bhi aaenge,

Lekin mayoos na ho Salman

Ye din bhi chale jaaenge,

Badi badi mushkilaat ka saamna kiya hai toone to

Kaunsa ye din hamesha reh jaaenge,

Phir se hoga milna julna

Phir se khushiyaan manaaenge,

Ek baar phir hojaaega sab pehle jaisa

Hum phir rush se jhunjhlaaenge,

Doston ki mehfilen hongi phir se rangeen

Hum phir plan bana ke cancel karwaaenge,

Jeddah ki raunaqen hojaaengi pehle jaisi

Hum phir se samandar jaaenge,

Sab kuch hojaaega pehle jaisa

Jahan dil karega wahan jaaenge,

Mayoos na ho salman!

Ye din bhi chale jaaenge,

Sab rahenge khush baash aur

Aise 😀 kar ke muskuraaenge”.


Image credit: Facebook

The above poem is written by Salman Imdad. Ye hain Salman Imdad ke chand zabardast zabardast ashaar maujooda haalat par! Mayoos na ho Salman ye din bhi chale jaaenge… I wonder by whom is the first half written but the second half, one written in bold is by Salman. This one has certainly made my day and I’m sure it might have brought a smile and sparkle on your faces too.

Image via google

How I got to know about Salman Imdad and this video?

Aaj subah humaare whatsapp ke ek group par kisi ne ek video send kiya tha. Wo video tha Kiswa Ka’aba Par Kaunsi Aayat Likhi Hoti Hain. It was an Amazing video and I got to know many unknown and lesser known facts about Ka’aba. Aainda aane waale kisi blog mein wo bhi share karenge In Sha Allah. Then the very moment that video ended I searched for Ramzan with Salman and saw this amazing video Mayoos Na Ho Salman!

Then one after the other I kept on watching a few videos and all of a sudden I thought of sharing this wonderful and motivating nazm with you all. Ye nazm Ek raushan pehlu hai lockdown ka aur Kabhi Socha Bhi Na Tha nazm ka.

Is video ko dekh kar ehsaas hua ki har cheez ke do pehlu hote hain aur humen har baat mein aur har cheez mein mukhaalif nahi balki roshan pehlu sochna chaahiye. Har haal mein Allah ka shukr karen aur sab ko bhi khush rakhen.

Image via YouTube
Video link: https://youtu.be/dHPgOa14lrY

Ummeed hai ise padh kar aap sab bhi Aise 😀 muskuraanege.

Hamesha khush rahiye aur muskuraate rahiye. Khushi Rehne mein koi kharcha nahi lagta. 😀😃😄😁🌸🌸🌟✨

Ghar Rahen Salaamat Rahen…