Hamd Baari Taala

Koi To Hai

Aaj yunhin subah subah ye hamd zubaan par aagai aur dil mein khayal aaya ke kyon na aap sab se share ki jaae. Ye umda kalaam hai Muzaffar Warsi ka. Kis khoobsurati se Allah Taala ki maujoodgi ka bayaan kiya hai. Ye aap khud padh kar hi andaaza laga sakte hain.

Koi to hai jo nizaam-e-hasti chala raha hai Wohi khuda hai,

Dikhaai bhi jo na de, nazar bhi jo aa raha hai Wohi Khuda hai.

Wohi hai mashriq Wohi hai maghrib safar karen sab Usi ki jaanib,

Har aaine mein jo aks apna dikha raha hai Wohi Khuda hai,

Talaash usko na kar buton mein Wo hai badalti hui ruton mein,

Jo din ko raat aur raat ko din bana raha hai Wohi Khuda hai.

Nazar bhi rakhe samaaten bhi Wo jaan leta hai niyaten bhi,

Jo khaana-e-lashaoor mein jagmaga raha hai Wohi Khuda hai.

Kisi ko sochon be kab saraaha wohi hua ko Khuda me chaaha,

Jo ikhtiyar-e-bashar pe pehre laga raha hai Wohi Khuda hai.

Kisi ko taaj-e-waqar bakhshe kisi ko zillat ke ghaar bakhshe,

Jo sab ke maathe pe mohr-e-qudrat laga raha hai Wohi Khuda hai.

Safaid uska siyaah uska nafas nafas hai gawaah Uska

Jo shola-e-jaan jala raha hai bujha raha hai Wohi Khuda hai.

Bilkul sach kaha hai ke kis tarah Allah Taala nazar na aate hue bhi nazar aata hai, badalti hui ruton mein. Kis tarah ek nizaam chal raha hai din ke baad raat aur raat ke baad din, ek baar bhi aisa nahin hua ke suraj nahin nikla ya waqt se pehle nikal aaya.

Binte Bashir via Canva

Kis tarah phool khilte hain, hawaaen chalti hai, badal baraste hain aur mausam badalte hain. Wo Khuda hi to hai jo ye saara nizam chala raha hai. Kisi aur ki quwwat nahin ke chaand, suraj, sitaare aur saiyyare apni marzi se chala sake aur koi hasti is qaabil nahi ke is nizaam mein ek kharaabi ho jaae to use durust kar sake.

Binte Bashir via Canva

Bilashuba insaan jahan jahan nazar utha kar dekhe use har shae mein Allah Ta’ala ka shahkaar nazar aaega aur shae mein Us ki kaarigari jise dekhne ke liye dil ki aankhen chaahiye. Nazar utha kar dekhiye to sahi.

35 thoughts on “Koi To Hai”

  1. SubhanAllah!!

    Oh Ya Allah, I also listen to his beautiful naats and hamd, Muzaffar warsi sahb voice, such mesmerising it was and the kalam he recited has so much charm…
    I listen to this often🥺❤️ and I would definitely want everyone to listen this Kalam in his voice😌🌸

    Liked by 2 people

    1. Allah Maghfirat farmaae unki. Bohot behtareen kalaam hai Muzaffar Warsi Sahab ka. Hamd likhna aasan kaam nahin hai bus Allah jise chaahe wo hi likh sakta hai. Bilkul sach kaha His voice is mesmerizing. Hum to jab sunte hain pata nahin kitni baar repeat karte hain.

      Liked by 1 person

    1. Thanks for your kind appreciation, it means to much.
      There are few things we can relate to a certain point of time.
      I’m deeply in love with this poem specially listening to it in the voice of the writer Muzaffar Warsi itself.

      Liked by 1 person

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s